Llwyddiannau .cymru

Coffi Dre

“Mae’r Gymraeg a’i diwylliant yn rhan enfawr o Coffi Dre ac felly roedd yn benderfyniad naturiol i ni ddewis enw parth .cymru.”
– Ceurwyn Humphreys

Happy Yoga Wales

“Mi wnes i brynu enw parth .wales gan mai enw’r cwmni ydy Happy Yoga Wales ac felly roedd yn gwneud synnwyr. Dw i hefyd yn falch o fod yn Gymraes, a dw i’n hoffi ei fod yn enw parth gwahanol i’r .com neu .co.uk, ac mae’n hawdd ei gofio.”
– Paula Roberts

Welsh Whisperer

“Drwy gydol fy ngyrfa, mae un peth wedi aros yn gyson, sef gwefan i glymu popeth at ei gilydd, o rannu dyddiadau byw, y siop ar-lein, cerddoriaeth, fideos geiriau caneuon ac ati. Dw i’n falch o allu defnyddio enw parth .cymru ers y cychwyn.”

– Y Welsh Whisperer

CRWST

Roedd hi’n bwysig i dîm CRWST ddangos eu bod yn falch o’u treftadaeth, a dyna pam y gwnaethon nhw ddewis defnyddio enw parth .cymru.

Cymdeithas Amaethyddol Frenhinol Cymru

Gyda’i gwreiddiau mor ddwfn yng nghefn gwlad Cymru, roedd hi’n gam naturiol i’r tîm sicrhau’r enwau parth .cymru a .wales.

Banc Datblygu Cymru

Gyda sylfaen cwsmeriaid amrywiol, roedd sicrhau enw parth .cymru yn elfen allweddol o strategaeth farchnata Banc Datblygu Cymru.

Afallen

I’r rhan fwyaf o gwmnïau newydd, mae creu gwefan sy’n gallu cyfathrebu ei wasanaethau a’i werthoedd craidd yn llwyddiannus yn flaenoriaeth. Yn achos Afallen, roedd hyn yn golygu cofrestru parth .cymru.

Sianel Pedwar .cymru!

Roedd y sianel ymhlith y cyrff cynta’ i ddefnyddio’r enw .cymru ac mae hefyd ar y blaen wrth ddatblygu gwasanaethau Cymraeg ar y We.

Portmeirion

Credai Robin bod y ffaith bod parth .cymru yn cael ei gydnabod yn rhyngwladol yn cynnig cyfle i fusnesau yng Nghymru.

Nom Nom

Gydag enw fel Nom Nom, mae’n amlwg pa mor flasus yw eu siocled a gyda pharth .cymru, mae gwreiddiau a lleoliad y cwmni’r un mor amlwg cyn i chi hyd yn oed cyrraedd y gwefan.